Hari Patamo Udin Di TK ( 4 )...

“Uda pulang dulu ta, caliakan si udin yo ta?”
“Yo da, elok-elok uda dijalan, kalau ado simpang bakelok yo, jan di paluruih jo”
“Aman tu ta”

Tinggalah si ita samo si udin di sakolah TK tu, sambia manunggu udin pulang, si ita ko lah asyk maota samo induak-induak yang lain. Maklum, kalau induak-induak yang basobok, pasti maota karajonyo, ntah sia nan dipagunjiangannyo.

Didalam kalaih, si udin lah asik jo mancaliak guru yang tagak d muko. Ntah lai mamparatian guru ntah indak. Tibo-tibo guru yang sadang manarangan di muko maimbau si udin.

“Syarifudin Pratama”
“sia tu buk????” kato si udin
“yo awak”
“namo wak ndak itu do buk”
“tu sianyo??”
“udin buk”
“ondeh nak, nama awak tu you din, tapi namo lengkap awak tu Syarifudin
Pratama”
“oiyo, lupo wak buk, manga ibuk maimbau wak tadi tu??”
“mancek jo nyo, kironyo masih ado nak murik ibuk yang lupo jo namo surang”
“heheheheheheeh, maaf yo buk??”
“yolah din, bisuak-bisuak ko jan buek jo lai ndak??”
“ndak buk”

Seperti biaso, kalau lah jam 9 hari, anak-anak tu kalau main. Ado yang pai makan ka kadai uni-uni manggaleh di dakek TK tu, ado pulo yang makan nasi yang di bawonyo dari rumah. Tapi apo nan tajadi samao si udin???

“mak, ma nasi udin??”
“ ko ha, kini jo ka makan ko??”
“tu bilo lai mak?”
“tahun bisuak jo baa??”
“ondeh mak, mati anak amak ko beko”
“yo-yo din, amak bagarahnyo, makan nan banyak din, buliah capek gadang”
“aman tu mak, anak amak nan gagah ko pasti capek gadangnyo”
“yolah din”

………………………

“uah, Alhamdulillah, kanyang mak, yo sabana lamak samba amak ko”
“tu yo, amak udin”
“mang baa amak udin ko?”
“rancak, manih, pandai mamasak, kalau ndak baitu, ma mungkin abak udin ka
Naksir ka amak”
“hehehe, iyo lo tu mah mak”

Udin lah kanyang, kawan-kawan udin yang lain alah kanyang lo. Hari alah jam satangah sapuluah. Saatnyo masuak dan baraja baliak.

“baiak anak-anak, kino ko palajaran terakhir, lah kanyang kan???”
“alah buk” jawek anak-anak sarantak
“ondeh buk, kanyang bana ko ha, samba amak udin lamak lo, ndak ado
Tandingannyo do”
“yo bana tu din??”
“kalau ibuk ndak picayo tanyo lah surang ka amak udin”
“jadi lah, beko ibuk tanyoan, kini wak baraja dulu yo din”
“baraja apo buk??”
“baraja bahituang”

Kasado anak-anak di dalam kalaih tu manguluan buku dan alaik-alaik tulih. Dan ado pulo di antaro anak-anak tu nan mangaluan kalkulator.

“ehm, amaik”
“iyo buk, ado apo tu buk?”
“sia nan mayuruah amaik mambawo masin kalkulator tu??
“gaek wak buk”
“baa kok di suruahnyo bana mambawo masin takah tu??”
“buliah capek wak bahituang dan dapek nilai tinggi buk”
“amaik……”
“iyo buk”
“tunggu dulu, dangaan ibuk mangecek dulu, kalau amaaik mamakai masin tu
Untuak capek bahituang, ndak baa dek ibuk do, tapi kalau amaik gunoan
Untuak mandapekan nilai tingggi, percuma”
“baa kok percuma buk, kan rancak kalau nilai amaik tinggi, gaek amaik sanang
Mancaliak nilai amaik nan rancak-rancak tu”
“tapi a gunonyo??”
“bangga lah amaik buk”
“bangga tu jo hasil utak wak surang maik”
“aa??, kan utak amaik yang bakarajo, tangan amaik yang manakan-nakan angko-
Angko di masin tu”
“tapi nan mancari ndak utak amaik do, masin tu nan mancari”
“jadi ndak buliah do buk?”
“indak do amaik”
“tu di pangaan masin amaik ko????”
“ka siko lah, buk andok-an dulu, beko kalau lah pulang, amaik ambiak baliak”
“yolah buk, ko buk”

Akhirnyo si amaik maagiahan masin kalkulator tu ka ibuk gurunyo, amaik pun nampak sadiah, mambuduik jo muko amaik sajak kalkulator nyo di ambiak buk guru. Tapi lain jo udin nampaknyo, anak yang ciek yobana samangaik baraja bahitung, dan si udin ndak ado mamakai masin takah si amaik tu do. Si udin hanyo mamakai lidi-lidi yang di potong-potong sapanjang tunjuan tangan sabanyak saratuih buah. Satalah di agiah soal dek ibuk, dan buk guru tu mangecekan sia nan capek siap inyo nan buliah pulang dulu.

“anak-anak, sia nan capek yang manyiapan tugas ibuk ko, buliah pulang dulu”
“yo buk” jawab anak-anak serantak

Satalah sapuluah minik balalu, tanpa di duga-duga, udin yang cuma manggunnoan lidi tadi siap labiah dulu.

“udin siap buk”
“apo yang siap din”
“tugas yang ibuk agiah tadi”
“ma nyo, cibo ibuk caliak dulu lah”
“ko bu a”

Si udin pun maagiahan tugasnyo ka ibuk guru, buk guru pun maambiak tugas udin tu dan mamareso tugas udin ciek-ciek. Satalah salasai mamareso, ibuk guru manyuruah udin pulang.

“rancak nak, udin buliah pulang, jan lupo baraj di rumah yo nak?”
“aman tu buk, udin pulang dulu buk, Assalamualaikum buk ( udin mancium
Tangan ibuk gurunyo )”
“Waalaikumussalam, hati-hati nak”
“yo buk”

Bara kasanangnyo hati udin, dapek nilai tinggi, capek pulang lo pulang dari kawan-kawan tu.

“pulang wak lai mak??”
“aa? Baa kok capek bana udin kalua?”
“maklum mak, urang hebat mang takah ko”
“mang manga anak amak??”
“tadi ibuk nan rancak tu manyuruah udin manjawek tugas-tugas yang di agiahan
Ibuk tu, ibuk tu mangecekan sia yang capek siap buliah pulang dulu”
“ooo, baitu, yo sabana santiang anak amak nan surang ko”
“UDIN, anak amak jo abak mah”
“hehehehehe, batua-batua, beko mak agiah hadiah”
“mak?”
“apo jo lai din?
“tadi ado…………………………………..”

BERSAMBUNG