Ndak taraso alah saminggu si ita tingga di rumah sakik. Nampaknyo si ita alah bosan, alah suntuak pangananyo di rumah sakik. Baa ka indak suntuak, karajonyo lalok ka lalok, manyusuan si udin, t lalok balik, makan, tacirik, lalok lo baliak. Tukang kawan ndak ado lo do, uda si ita alah sibuk mancari pitih, ma ijuih alah sibuk jo untuang parasaianyo. Sadang tamanuang-manuang mamikian nio ka pulang, masuak lah dokter didin, untuak mamareso kondisi si ita jo anaknyo.
“Baa kaba buk ita??”
“Takah iko lah pak.”
“Takah iko baa mukasuiknyo ko?”
“Lai lah sanang pak, si udin lah mulai galak-galak, tapi labiah sanang jiko awak
Pulang ka rumah awak pak.”
“mmmm, baitu yang katuju dek ibuk ita?”
“Iyo pak.”
“Jadi lah.”
“Bilo wak buliah pulang pak?”
“Beko sore baa?, siap Ashar jo?”
“Ndak baa do pak.”
Dek lah buliah pulang samo dokter didin t, si ita langsung manelpon udanyo…
“Da, awak lah buliah pulang kato pak dokter.”
“Yo bana ta?”
“Iyo da, katonyo siap Ashar awak lah buliah pulang, lai bisa uda manjapuik awak
Beko t?”
“mmmmmm, siap ashar yo ta?, bisa, bisa, uda usahoan, untuak ita a yang indak.”
“Ajak mak ijuih yo da?”
“Ntuak kana di ajaknyo?”
“Manolongan awak bekolah.”
“Jadi-jadi aman t.”
Hari lah manunjuakan pukua satangah ampek, uda si ita alun jo tibo-tibo do. Si Ita alah nampak galisah, antah jadi uda t ka manjapuik si ita ntah indak. Maklum, uda si ita t urangnyo palupo. Rencananyo si ita ka manelpon baliak, tapi wakatu si ita ka maambiak HP, tibo uda si ita samo amak ijuih tadi.
“Ha, sia yang ka batelpon t?”
“Uda mah, lambek bana uda tibo.”
“Kan lah tibo uda kini a?”
“hehehehe, iyo-iyo.”
“Baa kaba piak?”
“Alhamdulillah sehat mak.”
“Mak ijuih baa?”
“Samo piak, alhamdulillah sehat lo.”
Setalah baberes-beres, si ita, udanyo, si udin samo amak ijuih pulang ka rumah…
“Ado yang tingga ta?”
“Lai da.”
“Apo t?”
“Jejak awak da, hehehe.”
“Bagarah ita amah.”
“Ndak do wak bagarah do da.”
“Tu manga namonyo t?”
“Malawak da.”
“Samo jo t nyo.”
Akhirnyo tibolah si ita di rumah. Rumah alah saminggu nyo tinggakan karano malahian anak patamonyo yang agiah namo si udin.
“Akhirnyo kito juo di rumah tacinto ko nak, lah taragak amak samo rumah ko.”
“oaoaoaoaoaoaoa ( si udin ruponyo sanang lo ).”
Baitulah hari-hari si udin jo amaknyo di rumah, nan abak si udin lah sibuk mancari pitih, untuak biaya makan udin sama si ita. Maklum, abak si udin t seorang sopir, yang harus bakaliliang-kaliliang daerah. Lain pulo jo mak ijuih, amak buka kadai ketek, yang manjua kebutuhan sahari-hari.
Pernah suatu hari, si udin ko marengek panjang jo karajonyo, lah panek amaknyo manyuruah diam, tambah kareh suaronyo manangih. Dek penasaran kareh bana suaro tangisan si udin, tadanga samo mak ijuih.
“Dek a si udin ta?”
“Ndak taut a do mak, manangih jo sajak tadi karajonyo.”
“Alah basusuan nyo?”
“Alah mak.”
“Apo susunyo?”
“Tu, yang talatak di ateh meja di sampiang amak.”
“Ondeh piak, lah tele kau mah!!!!!”
“Baa kok tele mak?”
“Masa si udin kau agiah susu tabuang, nyo masih ketek baru, susu kau tu agiahan
Ka inyo.”
“Sakik di gigik nyo mak.”
“kalau sakik jan baranak, tu biaso nyo, pengorbanan seorang amak ka anaknyo.”
“yolah mah….”
“Lah mak pai dulu, urang banyak balanjo di kadai a, jan agiah jo susu tabuang!!”
“Iyo mak, aman t.”
“Assalamualaikum.”
“Waalaikumussalam mak.”
……………………… ( Bersambung )……………………
Tidak ada komentar:
Posting Komentar