Rabu, 03 Maret 2010

UDIN VS AMAIK ( PART 2) ........ “ 6 “

Tapi masalahnyo, udin kasusahan mancari ide serap. Muko udin lah kusuik dek mamikian ide serapnyo. Saking kusuiknyo, udin takalok di ateh kursi barajanyo. Di lua, tampek abak udin manonton, amak si udin lah paneh nampaknyo. Ndak dapek manonton amak si udin ko do. Maklum, amak si udin suko sinetron yang indak jaleh, kalau abak si udin suko bana nonton berita-berita apo lai kalau bola. Kalau lah manonton bola, kareh hati abak udin nonton, walaupun batanggang sampai pagi.

“uda, alah tu...., ita nio manonton lo a!!!”
“apo ta???, uda sadang lamak manonton bola a”
“ baitu bana uda mah, hiks2.....”
“cup2, dek a ita??, jan manangih lo”
“yo uda, ita nio manonton, uda ndak nio mangalah do”
“nio manonton apo ita???”
“biaso uda, sinetron!!!!”
“bato kareh bana”
“jadi lah, uda sayang, ita nio manonton sinetron lai yo?? Lai buliah da??”
“baa yo???, uda sadang lamak manonton bola a”
“tu kan uda, alah elok2 ita ka uda, bapagarahan jo ita”
“ita buliah manonton, tp ado syaratnyo...”
“apo???”
“buek-an uda kopi sagaleh dulu yo??”
“okelah kalau begitu”

Dengan samangaiknyo, ita pai ka dapua, mambuek-an udanyo kopi sagaleh. Tapi ita ndak tau, udanyo lah takalok di muko tivi.

“uda, o uda..., ko kopi uda a”
“ZZZZZZZzzzzzzzzzzzzZZZZZZZZZ” suaro karuah uda si ita
“yo ndak stek alah uda ko do, di suruahnyo awak buek kopi, di bae nyo lalok”

Dengan kesal, si ita maambiak remote tivi, dan manuka siaran bola tu ka sinetron. Si ita lah laruik pulo dek film tu. Lah kalau aie mato si ita dek manonton film. Mato ita pun lah ndak bisa di ajak bakarajo samo, niek mambuka mato, tambah mangantuaknyo. Akhirnyo talalok lah ita di muko tivi.

***********************

Kukuak ayam manjagoan udin dan sekeluarga. Udin yang ndak sadar talalok dakek meja baraja takajuik lah nyo. Udin takajuik baa kok bisa pindah ka atek kasua. Baitu pulo si ita, si ita yang takalok dakek tivi lah tibo lo di biliak. Amak udin pun jago, tanyato abak udin lah jago dulu, di caliak dakek tivi, kironyo abak udin sadang manonton berita olahraga, nampaknyo abak udin nio mancari tau hasil pertandingan tadi malam. Amak udin pun menuju kamar udin, ternyata udin lah jago pulo.

“din, dima udin??”
“sadang mandi mak, ado apo tu??”
“ndak ado apo-apo, amak nio manjagoan udin, kironyo udin lah jago”
“bato pulo mak, udin anak rajin, tu yo jago pagi-pagi”
“tu yo anak amak tu, capek mandi yo, amak buek-an nasi goreng”
“yop mak”

Udin lah siap mandi, abak jo amak udin lah manunggu di meja makan. Nasi goreng yang alah di janjikan amak udin tadi pun alah manunggu. Udin pun makan dengan semangiknyo. Maklum, hari ko udin nio mangarajoan amaik baliak. Kayaknyo udin lah dapek ide serap dari mimpi nyo malam tadi. Ntah apo si udin ko, nampaknyo pasti mambuek amaik sangsaro mah. Salasai makan, udin pun barangkek ka sekolah dengan samangaiknyo.

“assalamualaikum mak, bak..., udin pai dulu yo??”
“yop nak, elok-elok di jalan yo din, caliak oto, kalau ado simpang bakelok”
“yo mak”

Dalam bajalan manuju sekolah, udin manyanyi surang jo, di sapo urang yang basobok dek si udin. Ntah lai kenal nyo jo urang tu ntah indak. Yang penting lai jo basobok urang di jalan, pasti disaponyo. Akhirnyo tibo lah udin di sekolah nan di cintonyo. Pas nio malangkahan kaki ka dalam kelas, nampak lah dek si udin oto sedan mewah baranti di muko sekolah udin. Udin pun tacengang bana, maklum udin sakali baru mancaliak oto gagah yang mangkilek warna catnyo. Tanpa diduga dan disangko, udin pun takajuik. Tarnyato amaik yang diturun dari oto yang mangkilek tu. Udin pun galak saketek, sambil maangguak kapalonyo. Kalau mode gaya udin, barati udin dapek ide baru untuak mangarajoan si udin. Amaik pun turun dari oto dan bajalan manuju sekolahnyo.

“gagah taksi mah maik”
“bato din, taksi baa ko”
“tu apo nyo??, takah taksi nampak dek awak”
“tu oto wak mah din, wak surang yang punyo di kampuang ko nyo!!” nampaknyo
Amaik lah paneh mancaliak gaya si udin
“ooooooooooooo, wak kiro taksi tu, masalah bantuak taksi”
“udiiiiiiiiiiiiiiiiiiiiiiiiiiiiiiiiiiinnn!!!!, cari gara-gara udin samo wak a???”
“tu baa??” nampaknyo udin pun tapanciang emosi

Tapi, lonceang ka masuak pun babunyi. Amaik yang lah paneh mancaliak udin pun tambah paneh. Amaik bajalan ka dalam kelas, pai manuju tampek duduaknyo dan mamapehan tasnyo ka ateh meja tampek amaik duduak. Amaik pun mancaliak ka arah udin, penuh kesal udin, mengacungkan tinju ka arah udin. Udin pun ndak nio kalah do, udin mengacungkan duo tinju ka arah amaik. Sambia mengacungkan tinju, ibuk guru pun masuak ka dalam kelas.

“assalamualaikum anak-anak, sehat??”
“waalaikumussalam buk, alhamdulillah sehat buk”
“ibuk baa??”
“ibuk sehat juga”
“tambah gapuak ibuk nampak dek awak” udin manyamba dari bangku balakang
“ah udin, ibuk jadi malu”
“uuuuuuuuuuuuuuuuuuuuu” kelas pun ribuik
“alah-alah, kini kito baraja tantang persahabatan yo”
“yo buk”
“baa kok itu bana topik kini buk” tanyo udin
“iko paralu din, masalahnyo anak-anak sagadang kalian ko acok bacakak Cuma
Dek masalah ketek, baiklah.....

BERSAMBUNG

Tidak ada komentar: